itenfrderues

L'ARCHITET GIÖVO E SO PAPÀ

Il sacerdote Don Michele Ponza nacque a Cavour nel settembre 1772, morì il 18 novembre 1846.
 
( del Sac. Michele Ponza, Letterato, filologo, autore del noto dizionario Piemontese-Italiano, sono tratte queste favole in prosa. Grafia originale.)

Un cert architet a l'avia 'n fieul giövo, ël qual, avend dco amparà la profession d'so papa e fresch dë scola, a s'cherdia già d'esse 'l prim architet dl'Università.

Un dì, mentre ch'ël pare a l'era andait fora, ai riva lì un paisan tutt sbafumà a die eh' so ciabot a l'era lì per drochè giù a moment; ch'andeissa duna a giutelo për carità!

Andoumo, andoumo, ai a rispot coul giovnot; sburdive nen, ch'a s'farà lo ch'a s'poudrà.

Arivà ch'a son stait sul post, l'architet a ved là un trav vei tutt sgardamlà e rusià da le càmöle ch'a puntalava la muraia meistra d' coul ciabot già mes ruinà, e ch' coul trav për sostnì coul peis andasia via sirandse e fasend gënoujet.

«Sössi a l'è niente» a l'a dit coul giovnot sensa speriensa:

«ël ripar a l'è già trovà: ciamè dontrè vsin, ma ch'a sio d'omini fort; lëvoumo coust trav marss e nen sicur, e 'il rimedi a l'e coul».

'L papa ch'ant coul fratemp a l'era rivà, e ch'a s'na stasia ant un canton, sensa esse vdù, a squadrè lo ch'a l'era già bon a fè so grivoé ant coule circostanse, a l'è sautà fora, e a l'a dit:

«bravo! to consei a l'è stupend; ma dov elo 'l trav neuv da butè al post del frust? »

El fieul a couste parole a l'è rësta d' cartapista, e l'è vnù rouss cöm la losna, e a l'a buttà berta an sach.

L' presume trop d' noi istess, oltre ch'a l'è un ver segn d'ignoransa, a peul d'co quaic volta pregiudichè motobin, cöm la faula a n' mostra.

Stampa Email