itenfrderues

MÉ DI 'D NÀSSITA

"Poesìa"... col ëd
"... podej cissé la gent
con la fórsa dij valor…
sublimanda 'l sentiment
con la pas e con l'Amor...".

Poesìa, cola 'd Don Luigi Masoero, pèrfum d'Evangeli!...
Camillo Brero

 
(ëd Luigi Masoero)

Tra le tante còse bele,
ch'a m'ha dàit mare natura,
con pì 'd grassia, Pare e Mare
a m'han fàit l'investitura.

A l'é stàit n'ambrass d'amor:
com as viv e com as sent,
a-i era 'l feu, a-i era l'arder,
dzortut el temperament!

Am han fàit peui tanta festa,
a l'é stàit un bel event
tant che mi, per la protesta,
i gnaulava 'l mé lament.

I contestava già la vita
Ch'i savia nen ancora
com a l'era concepìja,
com a l'era la natura!

Adess che 'l cheur a arfiorìss,
ant la lògica del temp,
l'amor am cissa, am dis
ch'a l'é stàit un bel event!

con la fòrsa dij valor,
sublimanda 'l sentiment
con la pas e con l'Amor!

Con l'Amor ch'a cambia 'l mond,
con l'Amor ch'a porta Lus
e la Pas tra le nassion!

Stampa Email