itenfrderues

LA ROUL E LA PIANTA D'FROLE.

Il sacerdote Don Michele Ponza nacque a Cavour nel settembre 1772, morì il 18 novembre 1846.
( del Sac. Michele Ponza, Letterato, filologo, autore del noto dizionario Piemontese-Italiano, sono tratte queste favole in prosa. Grafia originale.)

Una grossa roul, ch'a l'avia dii branch carià d' feuje ch'a fasio n'ombra stupenda, piena d' chila istessa, vëdend an mes a l'erba una pianta d' frole, ch'a so confront a fasia fiasch, ai disia con un tön ministeriali:

«Oh! cöm i t' ses pcita vsin ai me branch! Guarda cöm mi 'stendo ant l'aria i me brass sensa gena? guarda cöm mie rame a son carià d'agian, e i n'ai dii mila e dii mila, mentre ch' ti, povra creatura! i të stante avei quatr o singh frole an tutt to patrimoni.
Mi i' t' dio da bon ch'i compianso to stat s'i'penso bin a coul ch'ël ciel a m'a dame a mi».
Sentiend lo, coula pcita pianta a l'a rësponduje:
«Voi i avì ben d' compassion për la povra gent, ch'i compianse mia miseria; ma con tutt lo mi invidio nen d'aututt vostr stat.
E quant bin ch' mi i sia pcita e voi i sie così granda, pura i l'ai 'l coragi d'dive, ch'a val d'pi una d'mie frole, che mila dii vostri agian.
Ch'a l'é pa dalla quantità, ma da so savour, ch'i frutt a acquisto pressi e stima».

Stampa Email